O tempo durante este período vai depender do achegamento dos restos dunha borrasca atlántica durante os días previos á fin de semana. Deste xeito, semella que predominará o tempo seco, aínda que, tanto venres como sábado, se poderían rexistrar algunhas precipitacións, máis probables na metade oeste e nas zonas de montaña. Semella que ao longo da fin de semana se imporía novamente a estabilidade. As temperaturas oscilarán en función de como nos afecte a borrasca, sufrindo probablemente unha baixada a mediados do período.